Ловзоргаш, Iиэхоргаш Мархин йу шортта:
Йиш локхуш тайниг йу, йу локхуш шок а,
Чкъургаш тIехь котам йу, хIазарехь – маймал.
Ша ма йац хIинца а, йен негIар айдал а,
ХIетте а кад биэза, стака йа бошхап,
НеIарех тийсалуш, ца йуьту ишкап.
Хеталуш дIайоьду ша гена-гена,
Тударгаш такхайо шен ненаненан.
Кехатна къоламаш тIехьоькху Мархас,
Ловзоргаш дIатесна, ловзабо кIархаш,
Кегийчу когаша гIулч шуьйра йоккху,
Лууш йу чIогIа и ша хила йоккха.
Стела1ад №2. 2024
