Тхан хьоме дешархой, оха кхидIа а бовзуьйту шуна тхайн доттагIий. Дика ду уьш дуккха а болуш. Тхо тешна ду, церан дика амалш шайна йевзича, шун а тасалур ду цаьрца доттагIалла. ТIаккха дуьнен чохь дика нах алсамбевр бу. ТIемаш, девнаш, къийсадаларш а хир дац. Массо а вовшашна гIо дан лууш хир ву.
ХIаъ… Цхьа тайна, дика, бертахь, похIма долуш йижарий бевзина тхуна.
Лабазанова Амина 8-чу классехь доьшуш йу. Киншкаш йоьшуш а, суьрташ дохкуш а чIогIа самукъадолу цуьнан. Бусалба динан баххаш Iамош йу Амина. Жимчохь дуьйна уггар хала Рубикан кубикан тайп-тайпана моделеш вовшахтосуш, уьш нисйеш хазахеташ йу иза.
Айшин 14 шо ду, иза 8-чу классехь доьшуш йу. Суртдиллархочун похIма ду цуьнан. ХIинцале Исламан бакъонаш Iамош йу иза. Йоккхахилча ислам динан бакъонийн Iилманча а, кондитер хила лаам бу цуьнан.
Алия 6-чу классехь доьшуш йу, цуьнан 13 шо ду. Суьрташ дохкуш хазахета цунна. Иштта киншкаш йоьшуш самукъдолу.
Халиса 4-чу классехь доьшуш йу, цуьнан 11 шо ду. Цунна уггар чIогIа сурт дуьллуш хазахета. Халисин лаам бу суртдиллархо хила.Вайна гушдолу х1ара суьрташ а цо дехкина ду…………………………………………………………………………
ТIаьхье йеша “Стела1ад” журналехь (№2.2025)
