Тахана вина де даздеш ву йаздархо, гочдархо, “Зорбатохаран цlийнан” коьрта редактор Мусаев Сулиман.
Къайллаха даздеш вуй-те аьлла, хьажа чуйахча, шен болх беш, компьютер хьалха гира вай декъалвийриг. Чай молуш а вацара, иза-м цо цкъа а цхьаьнца а ца молу. Ахмадов Мусас йукъадаьккхина и сийлахь ламаст “Чай маларца бу вайн коьрта болх” Сулимана къобал ца до. Дика дера ду цо иза белхалошна доьхкуш цахилар, цунах шайн коьрта болх бина lачарна.
Хlор денна ала догlу хаза дешнаш хlокху цхьана денна олий дlадуьллу вай. Сулиман дика ваша ву, оьшург дlааьлча, хьуна орцахверволуш, белхан накъост ву, хьуна улле дlа а хlоьттина, хьан гlуллакх дийр долуш. Дика куьйгалхо ву ала ца хlутту- иза хила дуккха а lама дезар ду цуьнан, lемар дуй а ца хаьа кхид1а долчунна.
Иза ца lемаш, ворда ша дlатекхо атта хетачарах ву иза.
Дала декъалвойла хьо, Сулиман! Дала кхоллараллехь кхиамаш хуьлийла хьан! Безачеран вон ма гойла дахарехь! Могаш-маьрша вахавойла хьо, иштта, хьуо ма-варра, хlокху хийцалучу дуьнен чохь заманца хийцалучу йаххьашца, цкъа а хийца а ца луш. Даггара хьан накъостий…
