2025-чу шеран оханан беттан 18-чу дийнахь Нохчийн пачхьалкхан академически театран сцени тIехь массарна а дика йевзачу, дукхайезачу «Бож-Iела» спектаклан премьера хилира. И хIоттор а, гайтар пьесин авторан, гIараваьлла вевзачу йаздархочун-драматурган Хамидов Iабдул-Хьамидан 105 шо кхачарна лерина дара. И спектакль карлайаккха ойла хилларг а, хIоттийнарг а йара Нурадилов Ханпашин цIарах йолчу Нохчийн пачхьалкхан академически театран исбаьхьаллин куьйгалхо, директор РФ-н культурин хьакъйолу белхахо, НР-н халкъан артистка Ахмадова Хьава.
Спектаклан дуьххьара премьера хилира 1965-чу шарахь, нохчийн театран тоьллачу актераша дакъалоцуш. Оцу дийнахь дуьйна вайн халкъан а хилла дIахIоьттина йу «Бож-Iела» спектакль.
Цу пьесера цхьадолу аларш, забарш а гуттаренна халкъалахь йаха йисна. Ткъа спектаклехь ролаш ловзийна актераш а бисира халкъан иэсехь. Масала, Сутарбин васт кхоьллинчу Дениев Iальвих Сутарби, Гичаева Раисин а Майма аьлла бен ца йоккху халкъалахь цIе.
«Бож-Iела» спектакль ца йевзаш ца йисира йерриге союзехь а. 1967-чу шарахь хиллачу Йерригсоюзан конкурсехь III-чу даржан диплом делира цунна. Ткъа иза хIоттийначу режиссерана Солцаев Мималтана, коьртачу турпалхойн васташ кхоьллинчу Давлетмирзаев МутIелипна, Багалова Зулейханна, Дениев Iальвина СССР-н культурин Министерствон а, Йерригроссин театральни йукъараллин а Сийлаллин дипломашца совгIат а дира…………………………………………
ТIаьхье йеша “Орга” журналехь (№1.2025)
