Дакъалоцурш:
- Борз
- Цхьогал
- Ча
- Цициг
- Iахар
- Шинар
- НIаьна
- ДIам
- Зу
МуцIар дIасхьайерзош, хьожа йохуш йу меца борз
Борз. Оффай!.. Ма хаза хьожа йогIу суна!.. (генайалале) Ой! Сискал йац хIара?!
(Борз и йаа тIекховдале).
Цхьогал. Ваша, ларлолахь!
Борз. ХIун боху ахь, йиша?
Цхьогал. Цу сискалх дIовш тоьхна хила мега. Хьо ларйан бохура аса-м.
Сацонга а йолий, барзо ойла йо
Борз. Ткъа ас хIун дан деза кхунна?
Цхьогал. Хаац. Сайн вешина бохам ца хилийта, йиина йала а реза йу-кх со. Хьо реза йелахь.
Борз. Дика ду, дIайаа.
Цхьогало сискал йуу. Борз йехха Iа цхьогална хIун хуьлу хьоьжуш.
Борз. Хьо дала ма ца дели?
Цхьогало. Сарралц собар дан деза, дIовш дегIах долаза ду… Цхьа жимма долаза ду… Жимма долало со. (и олий, цхьогал къайладолу хьуьнхахь).
Цхьогал схьадаре хьежа кIорда а дой, меца борз шена ижу лаха хьуьнха йулу. Йоьду-уш, барзана гура го боьгIна, гурана тIебиллина дума бу. Ша цунна тIекхевдича схьалоцур йуй хууш, борз гуране а хьоьжуш, Iаш йу.
Барзана тIекхочу цхьогал………………………………………………………….
ТIаьхье йеша “Стела1ад” журналехь (№4.2024)
