Цхьана гуьйренан дийнахь ижу лаха арадевлла хилла хьуьнан акхарой: чай, борззий, цхьогаллий. Кхин пхьор карадарх долу дог а диллина, хин йистерчу гу тIе а хевшина, гIелделла Іачу кхарна, йежаш йогIу эмкал тIекхаьчна.
– Ахь хIун до, эмкал? – хаьттина акхароша.
– Борз санна тIедогIуш lа а ду, луо диллале бохуш, йажа гIерташ ма йоллу со-м, – аьлла эмкало.
– Ишта лелаш ду-кх тхо а. Цхьаьнакхета деза вай, – аьлла акхароша.
– Суна цхьа хIума хетара, шу реза делахь, – аьлла хIилла долчу цхьогало.
– ХIун хетара хьуна? – хаьттича, цхьогало жоп делла:
– Вайна йаа хIума каро ца йоллу, хIара Iа хала хIума йу. БІаьстенан йуьххьехь со дендер аш. Де а дей, со даа кхааммо а, – аьлла.
Цунна дагадеанчух кхеттачу барзо аьлла:
– Хьох-м йаа хIума хир йацара: хьо жима ду. Со йуьйр йу вай. Ас хала а доккху Іа. Со денйер аш, бIаьста йаьлча.
– Хьо а йаа хIума йац, – алла чано. – Хьо а йу жима. Со йуьйр йу вай. Ахьчул а хала доккху la ас. Со денйер аш бІаьста, цо аьлча:
– la-a-loвxI!.. – аьлла эмкало. – Іа хала хIума йу. Аш массарчул а хала доккху Iа ас. Со денйер аш, бIаьсте йаьлча. Со массарел йоккха а йу. Со йуьйр йу вай.
Цу тIехь барт а тайна, эмкал йийна. Цуьнан чуоко йила йахийтина чано борз а, цхьогал а.
Чуоко йуьлуш Іаш, Іонжаре а хьаьжна, цергах хи тесна мецачу барзана.
– Ма чомехь хIума йу-кх хIара! – аьлла цо.
– Йаа вайша и? – аьлла цхьогало.
– Ча мегар йац. Довдийр ду цо вайшинна.
– Чена-м хуур а дацара и… Нагахь цо коьртахдаккхахь, соьга хьожур хьо. Ас жоп лур ду цунна, – аьлла цхьогало.
Іонжар диъна шиммо а…………………………………………………….
ТIаьхье йеша “Стела1ад” журналехь (№2.2025)















